http://tekstauxtomatoj.free.fr
tekstaŭtomatoj
eldono 4a de: 2014-11-19,
aŭtoras: ĵeromo vaŝe
komputiloj iom post iom lernis aliajn artojn, ol
kalkulon. ili kapabliĝis por lingvaj taskoj, interalie por kreado de
tekstoj.
programo, kiu kreas tekstojn, estas tekstogenerilo aŭ
tekstaŭtomato.
ĝi uzas regulojn, vortarojn, tekstomodelojn, kaj ordinare por ĉiu
unuopa kreota teksto ricevas apartajn informojn.
la reguleco de la lingvo internacia igas la verkadon de
tekstaŭtomatoj sufiĉe simpla.
kelkaj ekzemplaj tekstaŭtomatoj
‚he verdulaĉo‘ estas insultilo unuafoje verkita en 2007 okaze de
sakro-konkurso aranĝita de ‚norvega junularo esperantista‘. ĝi pruvas,
ke por insultado homa cerbo ne necesas.
specimeno:
vi, repuŝa volapugisto ebria. vi estas nenio alia ol amaso
da porkoj kun longaj haroj!
ĉi tiu programo tre simplas. laŭ sia ruliĝo ĝi
lotas inter variaĵoj por ĉiu el sinsekvaj frazpartoj, kaj la elektitajn
variaĵojn ĝi
vicigas. al la uzanto ĝi proponas elekton inter diversaj „gravecoj“ de
insultado, kiuj nur igas la frazon malpli aŭ pli longa.
limeriko estas amuza kvinversaĵo el la angla tradicio. ĝi koncize
rakontas pri homo en iu nomata loko, kiu strange sintenas, aŭ al kiu
strangaĵo okazas. la programeto de ‚proza limerikilo‘ ne verkas per
versoj sed konservas tiun strukturon.
specimeno:
estis laŭdire knabino en la urbo burnmuto, kiu manĝegis
kikerojn kun citrono, kaj al testudoj ŝi instruis frenologion per
telefono, pro tio tre ridis burnmutanoj.
por la harmonio de la teksto estas necese, ke iuj vortoj
interkongruu. la loknomo en la komenco kaj en la fino de la teksto
devas esti sama. la ĉefpersono depende ĉu viro aŭ ino bezonas
aludon per „li“ aŭ per „ŝi“.
inspiron por ‚aŭstralia zodiako‘ donis gazetaj
horoskopoj. ĉi tiu sortodivenilo tamen
devojiĝas de klasikaj skoloj, elektante astran signon
inter aŭstraliaj bestoj, al ĝi aljuĝante ŝancajn datojn kaj ankaŭ
sufiĉe ŝancajn konsilojn.
se la aŭguraĵo ne plaĉas al la leganto, li povas peti alian. sub la
aŭguraĵo aperas la
nomkarto de la sortodivenisto. se ankaŭ la divenisto ne plaĉas, la
leganto povas ankaŭ
lin
ŝanĝi.
specimena sortodiveno:
signo: fosa ornitorinko.
datoj: de la 5a de la 1a monato ĝis la 21a de la 1a monato.
en amaferoj venas grava elekto; vi kapablos elekti la ĝustan vojon.
taŭga tempo por solvi viajn spiritajn zorgojn. ene de la familio vi
havos influon. se proksimulo petos vian subtenon, malakceptu. ne fidu
al entrepreno ne finplanita. se kunlabor-propono venas de kunhomo,
senhezite malakceptu. en societo vi brilos kaj plezure rilatos al
homoj.
specimena divenisto:
majstro fulan
granda divenisto.
bonfama pro ĝusteco kaj rapideco de rezultoj, amo, kontraŭsorĉo,
protekto kontraŭ demonoj, tabak- aŭ alkohol-dependo, sportoj, protekto
kontraŭ danĝeroj, sekura estonteco, bonsorto en projektoj, senhariĝo
ktp. nenia iluzio, oficas ĉiutage de la 10a ĝis la 20a horo.
telefonnumero: 7319033563-74442955056-08608852468288-07-57-4272.
kiu ne sentis embarason en skribado de feria
bildkarto al amikoj? eĉ vidante la kuriozaĵojn de la luno oni
probable ne scius, kion rakonti. ĉi tiu bildkartilo proponas
modelojn ĝuste laŭ impresoj de ferianto sur la luno.
la luno havas belajn nomojn de maroj, montoj, marĉoj kaj
aliaj geografiaĵoj. krome sur ĝi urbonomoj estas volapukaj...
specimeno:
en kukukaŝol, la 1an de la kvara monato
tre kara emilia!
kia emocio! mi staras ĝuste nun antaŭ la ĉielarka golfo. kia trankvilo
ĉi tie! dise sur la najbara bordo staras ruinoj de gardoturoj. en la
urba aŭditorio mi aŭdis koncerton de mandolinoj. mi promenis silente
ĝis impona laguno. neniu aludis al ĝia ekzisto, kaj mi rakontis al
neniu. la vetero estas serena.
akceptu miajn korajn salutojn.
celnjo
la ilustraj bildoj venas precipe de paezinoj, jadoj kaj kelkaj
aliaj figuraj ŝtonoj.
la poetopedio estas senfina enciklopedio de poetoj. per ĝi oni ekscias pri la vivoj kaj verkoj de tiuj strangaj homoj, kiuj faras poeziaĵojn. kial diable ili faras tion?
specimeno:
lucia musilano (1911-1937) naskiĝis kaj vivis en romino. en maturaĝaj jaroj ŝi laboris kiel parfumisto. ŝi publikigis kelkajn dekojn da poeziaĵoj manuskripte. ŝia serio ‚vana poŝtkarto‘ estis siatempe renoma. ano de la skolo ajnisma ŝi estis nur mallonge. ŝi mortis manĝante pomon.
aliaj tekstaŭtomatoj: doktoro
teks